Autodesk Today in Georgia

Autodesk Today in Georgia: რა ვაჩვენეთ 27 ოქტომბერს და სად ნახავთ სრულ ჩანაწერს

27 ოქტომბერს, D Block @ Radio City-ში, BIM Solutions Georgia-მ BIM Academy-ის საგანმანათლებლო პროგრამის ფარგლებში ჩაატარა პრეზენტაცია Autodesk Forma-ზე — ღრუბლოვან გარემოზე, რომელშიც საპროექტო გუნდები ერთ მოდელზე ერთად მუშაობენ. შეხვედრის სრული ვიდეოჩანაწერი უკვე ხელმისაწვდომია ყველა დაინტერესებული სპეციალისტისთვის..

ორსაათიანი შეხვედრა სლაიდებზე არ აგებულა. ავიღეთ ერთი რეალური სამუშაო პროცესი და ბოლომდე გავატარეთ — კონცეფციიდან მოცულობების აღებამდე, ცოცხალ ეკრანზე. პრეზენტაცია ქართულ და ინგლისურ ენებზე წარიმართა.

წამყვანები იყვნენ ანასტასია კისელიოვა — არქიტექტორი, BIM მენეჯერი და Autodesk-ის სერტიფიცირებული სპეციალისტი — და ვიტაუტას პუოდზიუნასი, BIM Solutions Georgia-ს CEO, რომელსაც თხუთმეტ წელზე მეტი გამოცდილება აქვს BIM-ში.

კონცეფციიდან დეტალურ პროექტამდე

პრეზენტაციის პირველ ნაწილში ანასტასია კისელიოვამ აჩვენა, როგორ იბადება კონცეფცია Forma Site Design-ში: მოცულობები, განაშენიანება და გარემოს ანალიზი მაშინ, როცა ჯერ არც ერთი ნახაზი არ არსებობს. შემდეგ — გადასვლა Revit-ში, სადაც იგივე მოდელი დეტალურ საპროექტო დოკუმენტაციად გარდაიქმნება, ისე რომ გზაში არაფერი იკარგება.

Anastasia Kiseliovaანასტასია კისელიოვა — არქიტექტორი, BIM მენეჯერი, Autodesk Certified.

მეორე ბლოკი დოკუმენტების მართვას დაეთმო: სად პოულობს გუნდი აქტუალურ ინფორმაციას, როგორ კონტროლდება ვერსიები და ვის რაზე აქვს წვდომა. ეს ის ნაწილია, სადაც პროექტებში ყველაზე ხშირად იკარგება დრო — არა პროგრამაში მუშაობისას, არამედ ფაილების ძებნასა და ვერსიების შედარებაში.

კოორდინაცია, მოცულობები და ხელოვნური ინტელექტი

ვიტაუტას პუოდზიუნასმა წარმოადგინა, როგორ ხვდება არქიტექტურის, კონსტრუქციისა და MEP მოდელები ერთ გარემოში და როგორ ფიქსირდება კოლიზია მაშინ, როცა მისი გასწორება ჯერ კიდევ იაფია. ცალკე ბლოკი დაეთმო Forma Takeoff-ს — მოცულობების აღებას პირდაპირ მოდელიდან, კონტროლირებად ცვლილებას და იმას, რაც ამის შემდეგ ციფრებს ემართება.

ვიტაუტას პუოდზიუნასი — BIM Solutions Georgia, CEO.

ორივე ამ მოდულში ცალკე ყურადღება დაეთმო ხელოვნური ინტელექტის ინტეგრაციას: სად ეხმარება ის დღეს რეალურად საპროექტო გუნდს და სად რჩება გადაწყვეტილება ისევ ინჟინერზე. ეს თემა ყველაზე მეტ კითხვას იწვევდა მთელი შეხვედრის განმავლობაში.

დარბაზის კითხვები

ღონისძიების ყველაზე საინტერესო ნაწილი პრეზენტაცია არ ყოფილა — კითხვები იყო. და ისინი ნათლად აჩვენებს, სად დგას დღეს ქართული საპროექტო ბაზარი.

კითხეს, როგორ ჯდება Revit-იდან გენერირებული სახარჯთაღრიცხვო უწყისი სახელმწიფო შესყიდვების მოთხოვნებსა და BOQ-ის ფორმატში. როგორ ჩაერთვება კოორდინაციაში ქვეკონტრაქტორი, რომელსაც ლიცენზია არ აქვს. საიდან იწყება დანერგვა — ერთი პროექტიდან თუ მთელი კომპანიიდან. და სად ეხმარება ხელოვნური ინტელექტი დღეს რეალურად.

აღარავინ კითხულობს, რა არის BIM. კითხულობენ, როგორ ჯდება ის კონტრაქტში, ექსპერტიზასა და შესყიდვების ფორმატში. ეს სხვა ეტაპია.

კითხვა-პასუხის ნაწილში ცალკე განვიხილეთ, საიდან იწყება ციფრულ სამუშაო პროცესზე გადასვლა. ჩვენი გამოცდილებით, ყველაზე ეფექტური გზა მოსაწყენად მარტივია: აირჩიე ერთი პროექტი, საშუალო სირთულის, და გაატარე ბოლომდე. ერთ პროექტზე გუნდი სწავლობს იმას, რასაც ვერც ერთი ტრენინგი ვერ ასწავლის.

შეხვედრის სრული ჩანაწერი

შეხვედრა დასაწყისიდან ბოლომდე ჩაიწერა — ოთხივე სადემონსტრაციო ნაწილი. ჩანაწერი ხელმისაწვდომია ნებისმიერი დაინტერესებული სპეციალისტისთვის, რეგისტრაციის საფუძველზე.

ჩანაწერის მიღება

ღონისძიების ოფიციალურ გვერდზე შეავსეთ მოკლე ფორმა და ვიდეოჩანაწერის ბმულს ელფოსტაზე მიიღებთ.

bimsolutions.ge/event-autodesk-today


Autodesk Silver Partner BIM Academy
ღონისძიება გაიმართა BIM Academy-ის საგანმანათლებლო პროგრამის ფარგლებში.

BIM Solutions Georgia

BIM Solutions Georgia ეხმარება საპროექტო, სამშენებლო და საინჟინრო კომპანიებს BIM პროცესების დანერგვაში — ლიცენზიები, იმპლემენტაცია, ტექნიკური მხარდაჭერა და ტრენინგები. კომპანია არის Autodesk-ის ვერცხლის პარტნიორი და Trimble-ის ოფიციალური წარმომადგენელი საქართველოში.

BIM Academy-ის ფარგლებში ვამზადებთ სპეციალისტებს ბაზრისთვის. ინდივიდუალური კონსულტაციისა და თქვენს პროექტზე მორგებული დემონსტრაციისთვის დაგვიკავშირდით: info@bimsolutions.ge · +995 599 922 404